Uncle Ato's MENSURO
MENSURO Mensuro o (3x), yewo Nyame a yenye no nam, Oko twa nsuo a ne nan anka nsuo. Judah ebusua kuw mu Gyata, Sahen ne Nkunimdi Frankaa, Gyansrama a opue Mose nsraban do e, Okofo Joshua n'akokyem. Adze nyinaa Fapem nye ne Farebae Odomankoma, Nyansabuakwa a onyim adze nyinaa, ansaana wiadze bebo adze. Abankese a odze murunkum ne ogya fadum gye ne mba taataa, Kokrombotsir a wokwetsir no bo pow a, onnye yie, Okorsa ne mba tow n'abaw a, onhyia e, Tsetsebotan ene akrobeto Nyame, Bekyebo a onnyi ewie na onnyi ahyese. Tsetsebo a opaa ma nsu ma ne mba wo asaase kesee so, wi mu nnye no sakyera na, yenye no nam a yennsuro. Se nea anoma okode di ne mba ho afoofie no, okura hen mu wo n'ataban so ma hen nan ammpem bo dabiara da. Ntsi wo w'edzifir mu o, wo fi mbae mu o, Nyame ne wo nam a, ennsuro, fi se nea otse hen mu no, oso sen nea owo wiase, wokyekyer kyekyer a erenbo pow, wohyehye, hyehye a, ebedwiri. Apem betoto wo benkum, na opedu atoto wo ninfa, weniwa nkoa na wo...